زیورات رہن رکھ کر اس کے بدلہ اجرت لینا
سوال:
زید نے بکر کے پاس 500 روپے میں زیورات گروی رکھے اور بکر نے کہا زیورات کی حفاظت کے عوض 200روپیہ ہر ماہ دینا ہو گا، اس پر دونوں شخص راضی ہو گئے تو یہ معاملہ صحیح ہے یا نہیں؟
جواب:
صورتِ مسئولہ میں بکر کا گروی زیورات کے عوض رقم لینا شرعًا جائز نہیں ہے، اس لیے کہ گروی میں رکھے ہوئے زیور کی حفاظت کرنابکر پر لازم ہے؛ کیوں کہ بکر مرتہن کے درجہ میں ہے، اور مرتہن پر رہن کے مال کی حفاظت لازم ہے۔ (فتاوی شامی، کتاب الرہن جلد 4 ص: 482 ط: سعید )