گھر میں کوئی موجود نہ ہو تو داخل ہوتے وقت سلام کیسے کرے ؟
سوال :
کیا گھر میں داخل ہوتے وقت اگر گھر میں کوئی موجود نہ ہو توبھی سلام کرنا چاہیے ایسی صورت میں یہ سلام کس طرح کہنا ہوگا ؟
جواب :
گھرمیں داخل ہوتے وقت کوئی اگر موجود نہ ہوتو ''السلام علینا وعلى عباداللّٰه الصالحین'' کہے، اگر لوگ موجود ہوں توان کو سلام کرے ،قرآن کریم میں سورۂ نور میں ہے : " پس جب تم گھروں میں داخل ہونے لگو تو اپنے گھر والوں کو سلام کہا کرو۔" (النور:61)
"سلام" اللہ تعالی کی طرف سے نازل شدہ دعائے خیر ہے جو بابرکت اورپاکیزہ ہے۔ ’’ایک حدیث میں ہے کہ جو شخص گھر میں داخل ہوتے وقت سلام کرے ، تو جب تک یہ گھر میں ہے اللہ نے اس کارزق اپنے ذمہ لے لیااور اگر موت آئے تو جنت میں داخل ہوگا ۔‘‘ (الترغیب و الترھیب، 1/172)