بچوں کے نام خریدی گئی زمین پر زکوۃ
سوال:۔میں نے بچوں کےنام کچھ زمین خریدی ہے۔اب اس کی زکوۃ کا کیا حکم ہے؟بچے زکوۃ دیں گے یا میں دوں گا؟
جواب:۔جن بچوں کے نام زمین خرید ی ہے وہ اگر نابالغ ہیں یا زمین خریدتے وقت نابالغ تھے تو زمین ان کی ہوچکی ہے ۔نابالغ کے مال پر زکوۃ واجب نہیں ہوتی اس لیے ان بچوں کی زمین پرزکوۃ نہیں ہے اور اگربالغ بچوں کے نام خریدی ہے اور تاحال زمین کا قبضہ آ پ کے پاس ہے تو زمین پر آپ کی ملکیت برقرار ہے۔اگر بالغ بچوں کے نام کرانے کے ساتھ انہیں زمین کا قبضہ بھی حوالے کردیا ہے تو زمین ان بالغ لڑکوں کی ہے۔