قربانی کے گوشت کا تقریبات میں استعمال اورغریب کا گوشت فروخت کرنا
سوال:۔ میں نے ایک غریب شخص کو گوشت دیا تھا مگر اس نے کچھ فروخت کردیا ۔ کیا اس نے درست کیا کیونکہ میں سنا ہے کہ اگر گوشت فروخت کردیا جائے تو رقم صدقہ کرنا واجب ہے۔میرا نہیں خیال کہ وہ رقم صدقہ کرے گا ورنہ وہ ایسا کیوں کرتا؟ دوسرا یہ کہ میرے ہاں قربانی کا گوشت ہے اور آگے کچھ تقریبات ہیں ۔کیا میں ان میں یہ گوشت استعمال کرسکتا ہوں حالانکہ اس میں امیر اورغریب سب شریک ہوں گے؟
جواب ۱۔قربانی کرنے والا اپنی قربانی کا گوشت فروخت کردے تو حاصل ہونے والی رقم صدقہ کرنا واجب ہے لیکن اگر گوشت کسی کو دے دیا جائے اور وہ اسے فروخت کردے تو جائز ہے اوروہ گوشت کی قیمت اپنے استعمال میں بھی لاسکتا ہے۔(۲)قربانی کا گوشت تقریبات میں استعمال کرسکتے ہیں۔اگر امیر کو قربانی کا گوشت دیا جاسکتا ہے اور گوشت پکاکر اسے کھلایا جاسکتا ہے تو وہ ایسی تقریب میں بھی شریک ہوسکتا ہے جس میں قربانی کا گوشت بناگیا ہو۔