مغرب کی طرف سفر کرتے ہوئے سورج دوبارہ نظر آجائے
سوال :۔ایک شخص مغرب کی نماز اداکرکے ہوائی جہاز میں سوار ہوا، جہاز مغرب کی طرف اتنا تیز چلا کہ آفتاب دوبارہ نظرآنے لگا تو کیااس پرمغرب کی نماز دوبارہ واجب ہوگی؟
جواب ۔ایک دن میں مغرب کی نماز ایک مرتبہ ہی ادا کرنا فرض ہے، لہٰذا اگر کوئی شخص سورج غروب ہونے کے بعد مغرب کی نماز پڑھ لے تو اب اسی دن دوبارہ اس پر مغرب کی نماز فرض نہیں ہوگی چاہے وہ سفر کر کے ایسے مقام پر پہنچ جائے جہاں ابھی سورج غروب نہ ہوا ہو۔