پرپال (Prpal) کمپنی میں ایڈ کلک اور انویسمنٹ کے ذریعہ رقم کمانا
online investment company Company : www.prpal.com کمپنی 2015 سے پاکستان میں کام کررہی ہے، اس میں بندہ اپنا اکاونٹ بناتا ہے، اور 50 پوائنٹ کا ایک ایڈ پیک خریدتاہے، جس کی پاکستانی قیمت 5000 روپے بنتی ہے، روزانہ کمپنی اپنی پراڈکٹ کی تشہیر کے لیےایڈ view کرواتی ہے، اور 15 ماہ تک اسکا ٹائم پیریڈ ہوتا ہے۔اس میں کمپنی 80 سے 85 تک پوائنٹ دیتی ہے ،جس کی پاکستانی قیمت 8000 سے 9000 تک ہوتی ہے۔ فرض کریں میں جس دن ایڈ View نہیں کرتا کمپنی اس دن پرافٹ نہیں دیتی۔ کمپنی اپنا ٹارگٹ پورا کرنے کے بعد تنخواہ بھی دیتی ہے،Rank بھی دیتی ہے،کمیشن بھی دیتی ہے۔مثلاً ایک بندہ ریفرل سے اپنے اکاونٹ کے نیچے چار اکاونٹ بناتا ہےاور ہر اکاونٹ میں ایک لاکھ ساٹھ ہزار انویسٹ کرتا ہے تو اس کو پہلا رینک آفیسر والا مل جاتا ہے۔ آفیسر کے بعد ماہانہ 1000 تنخواہ اور 15000 ریوارڈ ملتا ہے،اس طرح آگے اور بھی رینک ہے۔ایڈ کسی بھی حرام یا فحش چیز کا نہیں ہوتا۔روازانہ ملنے والی رقم فکس بھی نہیں ہے۔کمپنی کا کاروبار جنرل سٹور جو کہ پشاور اور بہاولپور میں ہے، عالمی میڈیا، اخبار اور چینل سافٹ ویئراور کنسٹرکشن میں ہے۔اس کمپنی کے مالکان نےمتعدد فتوے لیے ہیں ۔کمپنی کا پرافٹ کمپنی کے حساب سے 124× سے 184× تک ہوتا ہے۔ پرافٹ فکس نہیں ہے۔مالکان کے مطابق ان کو جو پرافٹ آتا ہے وہ سب کو دیتے ہیں ۔ روازانہ چار پانچ منٹ ایڈ دیکھنے کیلے نیٹ پیکج بھی لازمی ہے۔شروع میں ممبرشپ بھی لازمی ہوتی ہے۔ ممبرشپ 1000 سے 10000 تک کی ہوتی ہے۔ 1000 والے ممبرشپ میں ایک لاکھ 25 ہزار انویسٹ کرسکتا ہے اور اس سے اوپر والوں میں اسں سے زیادہ انویسٹ کر سکتاہے۔ اس میں جو ایک لاکھ انویسٹ کرتاہے اور جو پانچ لاکھ انویسٹ کرتاہے۔ایڈ دونوں کے ایک جیسے ہوتے ہیں۔ 5000 انویسٹ والے کو ڈیلی 25 یا 24 ملتے ہیں اور 5 لاکھ والے کو ڈیلی 2500 روپے ملتے ہیں۔ہفتہ اتوار ایڈ ویو کرنے ہوتے ہے لیکن منافع انویسٹ کا 1% ملتا ہے؟
جواب:۔یہ معاملہ ناجائز ہے اور ناجائز ہونے کی بہت سی وجوہات ہیں جن کا ذکر وقتا فوقتا اس کالم میں ہوتا رہتا ہے۔اگرآپ تفصیل سے ان وجوہات کو جاننے میں دلچسپی رکھتے ہوں تودریافت کرلیجیے گا،ان شاء اللہ وجوہات ذکر کردی جائیں گی۔