آن لائن ادائیگی کے ذریعے سونا خریدنا
سوال:۔سونے کی خریدوفروخت ادہارہوسکتی ہے یانہیں ؟میری معلومات کے مطابق نہیں ہوسکتی ہے۔میں نے چیک کے ذریعے خریداری کا معلوم کیا کہ دوکان دار کو سونے کے بدلے چیک دے دیا جائے تو اس بھی کی اجازت نہیں ہے۔اب بتائیں کہ سونے کا سیٹ لینا ہوتو اتنی بھاری رقم آج کل کے حالا ت میں سونار کے پاس لے جانا کتنا مشکل ہے؟
جواب:۔آپ نے درست سنا ہے۔سونا خریدناہوتو معاملہ ہاتھ درہاتھ ہونا ضروری ہے اور ادہار جائز نہیں ہے۔آج کل کے حالات کے تناظر میں اگر کیش لے جانے میں خطرات ہوں تو آن لائن بینکنگ کے ذریعے دوکان دار کے اکاؤنٹ میں رقم منتقل کی جاسکتی ہے۔یہ بھی ممکن ہے کہ دوکان دار سونے کی مالیت کے برابر گاہگ کو قرض دے دے اورگاہگ وہی رقم دوکان دار کو قیمت میں اداکردے اورقرضے کے بدلے دوکان دار کو چیک دے دے۔