جو امام سورہ فاتحہ کے بعد سورت نہ پڑھے
سوال :۔میرا سوال یہ ہے کہ میں مسقط عمان میں کام کرتا ہوں اور یہاں پر ظہر اور عصر کی نماز میں امام صاحب فاتحہ کے بعد کوئی سورت نہیں پڑھتے بلکہ چاروں رکعات میں بس فاتحہ ہی پڑھتے ہیں۔کیا ہمیں ایسے امام کے پیچھے نماز پڑھ لینی چاہیے ،جماعت کا ثواب حاصل کرنے کے لیے یا اکیلے پڑھنی چاہیے؟محمد عرفان ظفر خاں مسقط عمان
جواب:۔ اگر مذکورہ امام صاحب مستقل ظہر اور عصر کی نماز میں صرف سورۃ فاتحہ پر ہی اکتفاٰء کرتے ہیں تو ان کے پیچھے نماز درست نہیں ۔آپ کوئی ایسی مسجد تلاش کریں جو سورہ فاتحہ کے بعد کوئی سورت یا آیات بھی پڑھتا ہو۔ اگر دوسری جگہ بھی ایسا ممکن نہ ہو توپھر تنہا نماز پڑھ لیا کیاجائے ۔ہندیہ(الباب الثانی عشر فی سجود السہو،1/139،ط:دارالکتب العلمیہ )