فاریکس ٹریڈنگ بزنس
سوال:۔ جناب عالی میں انٹرنیٹ پر فارن کرنسی کا کاروبار کرتا ہوں۔جس میں ایک base کرنسی ہوتی ہے اور دوسری quote کرنسی۔ مثال کے طور پہ EURUSD اس میں پہلے تین ڈیجٹ بنیاد ہے اورآخری تین ڈیجٹ quote ہے۔ کمپنی margin کے نام سے ہمارے سودے کے مطابق اپنے ساتھ ہماری کچھ اماؤنٹ رکھ لیتی ہے جو آرڈر ختم کرتے ہی ہمارے اکاؤنٹ میں واپس کر دی جاتی ہے۔ مارکیٹ انڈیکس میں کمی یا اضافہ کی صورت میں ہم sell یا Buy لگاتے ہیں۔اس کے sell یا Buy کے پراسس کو order کہتے ہیں۔ جب ہم کوئی آرڈر لگاتے ہیں تو اس کا فائدہ یا نقصان ہمیں تب ہی پہنچتا ہے جب ہم آرڈر کو close کردیتے ہیں۔ ایک اور صورت نقصان کی تب سامنے آتی ہے جب ہم اپنے اکاؤنٹ سے زیادہ بڑا آرڈر لگاتے ہیں اور مارکیٹ انڈیکس ہماری مخالف سمت میں چلی جاتی ہے تو اس صورت میں ہم اپنے تمام سرمایہ سے محروم ہو جاتے ہیں۔
نوٹ : اس کاروبار میں ہماراباقاعدہ سرمایہ لگتا ہے, جس میں ہم امریکی ڈالر کے ذریعے اکاؤنٹ کھولتے ہیں۔ قرضوں پر کوئی خرید و فروخت نہیں ہوتی ۔ سود وصول نہیں کیا جاتا بلکہ سروس دینے والا ادارہ اپنا مخصوص کمیشن لیتا رہتا ہے, جو پرسنٹیج کی صورت میں ہوتا ہے.
نوٹ : اس کاروبار میں ہماراباقاعدہ سرمایہ لگتا ہے, جس میں ہم امریکی ڈالر کے ذریعے اکاؤنٹ کھولتے ہیں۔ قرضوں پر کوئی خرید و فروخت نہیں ہوتی ۔ سود وصول نہیں کیا جاتا بلکہ سروس دینے والا ادارہ اپنا مخصوص کمیشن لیتا رہتا ہے, جو پرسنٹیج کی صورت میں ہوتا ہے.
جواب :۔ کرنسی کی بیع شرعا بیع صرف ہے، جس میں بدلین پر مجلس میں قبضہ ضروری ہے اور دونوں جانب سے یا کسی ایک جانب سے ادھار ناجائز ہے، لہذا ایسے تمام سودے ناجائز ہیں جن میں کرنسی کی خریدوفروخت ادھار ہوتی ہے یا اگر خریدوفروخت نقد ہوتی ہے مگر عقد کے دونوں فریق یا کوئی ایک فریق اپنےحق پرقبضہ نہیں کرتا ۔الحاصل باہمی قبضہ نہ پائےجانے کی وجہ سے ایسے سودے فاسد ہوں گے اور نفع حلال نہ ہوگا۔ انٹرنیٹ پر کرنسی کے کاروبار میں عموما کرنسی کی خرید و فروخت ادھار ہوتی ہےاور بعض صورتوں میں نہ کرنسی ادا کی جاتی ہےاور نہ ہی کرنسی وصول کی جاتی ہےبلکہ محض سودے ہوتے ہیں اور کرنسی کے مارکیٹ انڈیکس کے فرق سے نفع بنالیا جاتا ہے یا انٹرنیٹ پر سودے ہوتے رہتے ہیں اور اکاؤنٹ میں رقم باقی رہتی ہے اوردن کے آخر میں رقم میں نفع کا اضافہ یا نقصان کی کٹوتی کردی جاتی ہےلہذا ان صورتوں پر مشتمل سودے حلال نہیں ہیں۔کرنسی کے کاروبار میں نقصان کا امکان یا حقیقی سرمایہ لگانے سے انکار نہیں لیکن عموما حقیقی یا حکمی قبضۃ نہ ہونے کی وجہ سے بیع فاسد ہوتی ہے۔