قربانی کاگوشت وزن کرکے تقسیم کرنا کب ضروری ہے؟
سوال:۔ہم تین بھائی ہیں اور ایک ساتھ قربانی کرتے ہیں،اس سال بھی بڑے جانور میں ایک ساتھ قربانی کی ۔قربانی کاگوشت کاایک بڑے ڈیپ فریزر میں رہتا ہے جس بھائی کو جتنی ضرورت ہوتی ہے وہ لے کر استعمال کرلیتا ہے۔میں نے سنا ہے کہ تقسیم ضروری ہے اور تقسیم وزن کرکے ضروری ہے۔اندازے سے تقسیم کافی نہیں ہے ورنہ سود ہوجاتا ہے،کیا ہم سود میں مبتلا ہیں؟
جواب:۔یہ تو آپ نے درست سنا ہے کہ تقسیم وزن سے کرنا ضروری ہے ۔اندازے سے گوشت تقسیم کرنے سے سود لازم آتا ہے مگروزن اس وقت کرنا ضروری ہے جب تقسیم ہو اورجب تقسیم نہ ہوتو وزن بھی ضروری ہے۔آپ حضرات چونکہ تقسیم نہیں کرتے بلکہ ہر ایک کو استعمال کی اجازت ہوتی ہے جسے شرعی زبان میں اباحت کہتے ہیں اس لیے وزن کرناضروری نہیں ہے اور آپ حضرات گناہ گاربھی نہیں ہیں۔