رمی وغیرہ میں ترتیب کاحکم
سوال : رمی ، ذبح اور حلق میں ترتیب کا حکم کیا ہے؟ ، اختیارا یا جبرا ترتیب باقی نہ رہے تو کیا حکم ہے؟ ضرورۃ حکم میں تخفیف کی گنجائش ہے ہا نہیں ؟
جواب :۔ جس شخص کا تمتع یا قران کا احرام ہو اس پر رمی، ذبح اور حلق یا قصر میں ترتیب واجب ہے، تقدیم و تاخیر کی صورت میں دم واجب ہوگا۔ طواف زیارت ان تینوں اعمال سے پہلے یا ان کے درمیان میں یا ان کے بعد بھی کرسکتے ہیں البتہ مسنون یہ ہے کہ مناسک ثلاثہ (رمی،ذبح اور حلق) کے بعد طواف زیارت کرے۔جس شخص کا حج ِ افراد کا احرام ہو چوں کہ اس پر قربانی واجب نہیں ہے اس لیے اس پر صرف رمی اور حلق میں ترتیب واجب ہے ، تقدیم و تاخیر کی صورت میں دم لازم ہوگا۔