حج کا نصاب
سوال: حج کرنا کس شخص پر فرض ہوتا ہے، یعنی اس کا نصاب کیا ہے ؟ (یاسر خان)
کسی عاقل بالغ مسلمان شخص کے پاس قرضہ کی رقم منہا کرنے کے بعد اگر اتنی رقم موجود رہے جس سے زندگی میں ایک بار مکہ مکرمہ تک آنے جانے کے سفر، اور وہاں پر کھانے، پینے ، رہنے اور قربانی وغیرہ کے خرچہ ، اور اہل وعیال کے لیے حج سے واپسی تک کے خرچہ کا بندوبست ہوسکتا ہے تو ایسے شخص پر حج کرنا فرض ہوجاتا ہے، موجودہ زمانہ میں یوں کہہ سکتے ہیں کہ حکومت کی طرف سے حج کرنے کے لیے جتنی رقم کا اعلان ہوتا ہے ( اگر قرض ہے تو قرض کی رقم اور اہل وعیال کے لیے حج سے واپسی تک کے خرچہ کی رقم منہا کرنے کے بعد) اتنی رقم موجود ہے
تو زندگی میں ایک مرتبہ حج کرنا فرض ہوجاتا ہے۔(1/727، 728، کتاب الحج ، ط؛ دارالکتب العلمیہ)