وطن اقامت کے قریب دوسراوطن بنانا
سوال:۔ میں اپنے گھر سے دور ملازمت کرتا ہوں جو کہ تقریبا 200 کلومیٹر کے فاصلہ پر ہے۔ میں نے ملازمت کے دوران رہائش یہی رکھی ہے۔چاریا پانچ دن بعد گھر جاتا ہوں ۔ اب میں ملازمت اسی جگہ پر کرتا ہوں لیکن اپنی رہائش تبدیل کی ہے۔پہلی رہائش پر میں نے ایک مرتبہ پندرہ دن گزارے تھے اور دوسری رہائش جو پہلی رہائش سے 16 کلومیٹر دور ہے ابھی تک یہاں پانچ سے زیادہ دن نہیں گزرےتو اس حوالہ سے نماز کا کیا حکم ہے؟
جواب:۔ اس دوسری جگہ میں جب تک آپ پندرہ دن یا اس سے زیادہ ٹھہرنے کی نیت نہیں کریں گےاس وقت آپ یہاں مسافر رہیں گے مگرشرط یہ ہے کہ جائے ملازمت سے آپ نے مستقل طورپر رہائش ختم کردی ہو اوردوسری جگہ پہلے شہر کے علاوہ کوئی اورشہر یا بستی ہو۔الدر المختار وحاشية ابن عابدين (رد المحتار) (2/ 132)