قبر کے سامنے یاقبرستان میں جنازہ پڑھنا
سوال: ۔ قبر کے سامنے جنازہ کی نماز پڑھنا کیسا ہے، نیز قبرستان کی خالی زمین پر اگر جنازہ کی نماز پڑھی جائے تو اس کا کیا حکم ہے؟
جواب: کسی عذر یا حائل کے بغیر قبروں کے سامنے جنازہ کی نماز پڑھنا مکروہ ہے، اگر قبرستان کی خالی جگہ پر جنازہ کی نماز ادا کی جارہی ہو اور سامنے قبریں نہ آتی ہوں یا سامنے قبر یں تو ہوں لیکن درمیان میں کوئی حائل ہو تو وہاں بلاکراہت نماز جنازہ جائز ہے اور اگر قبر سامنے ہو، درمیان میں کوئی حائل بھی نہ ہو اور کوئی عذر بھی نہ ہو ایسی صورت میں نماز جنازہ مکروہ ہوگی تاہم اعادہ کی ضرورت نہیں ہوگی۔(المعجم الأوسط (6/ 6) باب من اسمہ محمد، ط:دارالحرمین ، القاھرۃ)(حاشية الطحطاوي على مراقي الفلاح(ص: 595)کتاب الصلوٰۃ، باب احکام الجنائز، ط:دارکتب العلمیہ، بیروت)