مددگاربیٹے کامیراث میں زیادہ کامطالبہ کرنا
سوال:۔ والد صاحب کے انتقال کے بعد بڑا بھائی کہتا ہے کہ اس نے والد صاحب کے کاروبار میں ہاتھ بٹایا ہے اور کام سنبھالا تھا، لہذا اب والد صاحب کی میراث میں اسے دیگر ورثاء کی بنسبت زیادہ حصہ ملنا چاہیئے۔ کیا اس کی یہ بات درست ہے؟ (عبد الرحمن صوابی)
جواب:۔بڑے بھائی نےوالد کے ساتھ تعاون کیا تھا تو اسے اس کااجرملے گا مگر اس تعاون اوراحسان کی وجہ سے بڑابھائی اپنے حصے سے زیادہ کا مستحق نہیں۔شامی(4/325، کتاب الشرکۃ فصل فی الشرکۃ الفاسدۃ،ط؛ سعید)