باس کے کہنے پر جھوٹ بولنا
سوال:.میں ایک پرائیویٹ کمپنی میں کام کرتا ہوں اور میری ذمہ داری میں یہ بھی ہے کہ فون کالز کا جواب دوں اور کبھی کالز اپنے سینیئرز اور باس کو فارورڈ کروں۔کبھی کسی کال کو جب باس کو ٹرانسفر کرنا ہو تو وہ کہتے ہیں کہ آپ بول دیں کہ باس میٹنگ میں مصروف ہیں یا موجود نہیں جبکہ وہ موجود بھی ہوتے ہیں اور مصروف بھی نہیں ہوتے مگر مجھے اپنے باس کی بات ماننی پڑتی ہے۔ براہ مہربانی رہنمائی فرمائیں کہ اس جھوٹ کا گناہ کس پر ہوگا جبکہ کالز اٹھانا میری ذمہ داری ہے اور باس جھوٹ بولنے پر مجبور کرتے ہیں۔
جواب: ۔باس مصروف نہ ہو اور موجود ہوں اور آپ کہہ دیں کہ مصروف ہیں یا موجود نہیں ہیں تو صریح جھوٹ ہونے کی وجہ سے آپ کے لیے کہہ دیناہرگز جائز نہیں ہاں یوں کہہ سکتے ہیں کہ اس وقت بات نہیں کرناچاہتے وغیرہ