نماز کے بعد دعامیں ہاتھ اٹھانا
سوال:۔دعا تو کرنی چاہیے اور نماز کے بعد خاص طورپرکرنی چاہیے،اسی طرح دعاکریں تو ہاتھ اٹھاکرکریں ،یہ ساری باتیں تسلیم ہیں مگر کیا نماز کے بعد ہاتھ اٹھاکر دعاکا ثبوت حدیث سے ہے ،مجھے صرف یہی درکار ہے۔
جواب:۔المعجم الکبیر ' میں علامہ طبرانی رحمہ اللہ نے حضرت عبد اللہ بن زبیر رضی سے روایت ذکر کی ہے کہ محمد بن یحیی اسلمی رحمہ اللہ فرماتے ہیں: میں نے عبد اللہ بن زبیر رضی اللہ تعالیٰ عنہ کو دیکھا ،انہوں نے ایک شخص کو دیکھا کہ وہ نماز سے فارغ ہونے سے پہلے ہی ہاتھ اٹھا کر دعا کررہا تھا تو جب وہ نماز سے فارغ ہوا تو حضرت عبد اللہ بن زبیر رضی اللہ تعالیٰ عنہ نے اس سے فرمایا: رسول اللہ ﷺ جب تک نماز سے فارغ نہ ہوتےاس وقت تک (دعا کے لیے) ہاتھ نہیں اٹھاتے تھے ( لہذا تم بھی ایسا ہی کرو)(13/ 129، برقم: 324) اس سلسلے میں اوربھی روایتیں ہیں جن کاذکرتفصیل چاہتا ہے۔