قریبی اعزہ کو زکاۃ دینا
سوال :۔کیا میں غریب بھانجوں اور بھتیجوں کی تعلیم کےلیے زکاۃ دے سکتا ہوں؟ کیا میں ماں کے قرضہ کی ادائیگی کے لیے زکوۃ دے سکتا ہوں؟ کیا میں پانی کا پمپ لگوانے کیلئے زکوۃ دے سکتا ہوں؟مجھے گیس کا مسئلہ ہے، میں وضو قائم نہیں رکھ سکتا، اس لئے نماز گھر میں پڑھتا ہوں کیا یہ درست ہے؟
جواب:۔اگر بھانجےاور بھتیجے سید نہیں ہیں اورغریب ہیں یعنی ان کے پاس زکوۃ کے نصاب کے بقدر ضرورت سے زائد مال نہیں ہے تو ان کو آپ زکوۃ دے سکتے ہیں۔
اپنی ماں کو زکوۃ دینا یا زکوۃ کی رقم سے ان کاقرضہ اتارنا جائز نہیں ہے۔ زکاۃ کی رقم سے پانی کاپمپ نہیں لگایاجاسکتا۔نماز باجماعت اداکریں اور دوران نماز وضو ٹوٹ جائے تو وضوتازہ کرلیا کریں البتہ اگر ریح مسلسل خارج ہوتی ہو اوربدبودار بھی ہو تو گھر میں ہی نماز اداکرلیا کریں ۔
( الدرالمختار : ۱ / ۱۴۰ )