دوسرے کے طرف سے ادائیگی،قرض یا احسان؟
سوال :۔ہم کالج میں پڑھتی تھیں ، نوٹس فوٹو اسٹیٹ کرانے کے لیے پیسے لیے جاتے تھے۔ ایک بار میرے پاس دو روپے کم تھے تو ایک لڑکی نے میرے دو روپے دیے، ساتھ ساتھ ہنسی میں کہنے لگی میں یہ دو روپے کبھی معاف نہیں کروں گی، میں نے بھی اس بات کو سنجیدہ نہیں لیا اور دو روپے واپس نہیں کیے، اب کئی سال گزرچکے ہیں اب خیال آیا تو مجھ اس لڑکی کا کچھ پتہ نہیں ہے، اگر یہ ادھار کے زمرے میں آتا ہے تو ادھار والے کی بخشش نہیں تو یہ نہ ہو کہ اس بات پر میری پکڑ ہو، پریشان ہوں اس مسئلہ کا کیا حل ہے، پلیز مجھے ر یپلائی کریں ، اگر اخبار میں جواب دیں تو نام شائع نہ کریں۔
جواب:۔ دوستانہ بے تکلفی سے معلوم ہوتا ہے کہ یہ رقم قرض نہیں تھی مگرجوزبانی صراحت اس نے کی اس کی بناء پر یہ رقم قرض ہے۔اب اگر اس کاعلم نہ ہوتواس کی طرف اتنے پیسے صدقہ کردیں ۔شامی (4/283، کتاب اللقطۃ، ط؛ سعید)