جیبی ڈائری کے ساتھ بیت الخلاءجانا
سوال:۔ اگر جیبی ڈائری کے ٹائٹل پر قرآن کریم کی کوئی آیت یا ترجمہ یا حدیث مبارکہ یا کوئی مقدس عبارت درج ہو اور جیب میں موجود ہوتو اس کے ساتھ بیت الخلاء جانا جائز ہے؟(عبد الرحمن ،کیماڑی کراچی)
جواب:۔ جیبی ڈائری کے ٹائٹل پر قرآنی آیت یا حدیث کا ترجمہ یا کوئی مقدس عبارت لکھی ہو توجیب میں اس قسم کی ڈائری کے ہوتے ہوئے جب کہ وہ جیب میں چھپی ہوئی ہواور دکھائی نہ دیتی ہو ، بیت الخلاء جانے کی گنجائش ہے، البتہ ایسی ڈائری کو باہر مناسب جگہ رکھ کر بیت الخلاء جانا زیادہ بہتر ہے۔ حاشية الطحطاوي على مراقي الفلاح شرح نور الإيضاح (ص: 54)