فرائض ونوافل کی ادائیگی کاطریقہ
سوال:۔ نفل سنت اور فرض نمازوں کو ادا کرنے کا کیا علیحدہ طریقہ یا پھر ان سب کا طریقہ ایک ہی ہے یا صرف نیت باندھنے سے ہی الگ ہو جاتی ہیں؟ پلیز میری کنفیوژن دور کردیں۔(فرح خالد)
جواب: ۔ سنتِ مؤکدہ ادا کرنے کا وہی طریقہ ہے جو فرض نماز ادا کرنے کا ہےالبتہ چار رکعت والی سنتِ مؤکدہ میں چاروں رکعتوں میں سورہ فاتحہ کے بعد کوئی اور سورت بھی ملائی جائے گی جب کہ فرض نماز میں آخری دو رکعت میں صرف سورہ فاتحہ پر اکتفاء کیا جائے گا۔ سنن غیر مؤکدہ اور نوا فل میں چوں کہ ہر دو رکعت کی حیثیت مستقل نماز کی ہے، اس لیے ان میں زیادہ بہتر یہ ہے کہ دوسری رکعت کے قعدہ میں ”التحیات“ کے بعد درود شریف بھی پڑھیں اور تیسری رکعت میں کھڑا ہونے پر ثناء بھی پڑھیں۔الدر المختار2 / 28۔6 / 732 مراقي الفلاح شرح نور الإيضاح (1 / 100)