قربانی کے بچے کاحکم
سوال :۔قربانی کا جانور اگر قربانی سے چند دن پہلے بچہ دے دے تو کیا کیا جائے ؟ پچھلے سال ایسا ہوا اس بچہ کو پالا گیا کیا اس سال اس کی قربانی کرنی لازم ہوگی یا اس سال اس کی قربانی سے اس سال کی قربانی ادا ہوجائے گی ۔( حارث عبداللہ ،فیصل آباد)
جواب :۔ قربانی کاجانور اگرذبح سےپہلے بچہ دے دےتو اسے بھی ماں کے ساتھ ذبح کردیا جائے یا زندہ صدقہ کردیا جائے اگر نہ کیا یہاں تک کہ سال گزر گیا تو اب اس سال کی قربانی میں اسے ذبح نہیں کیا جاسکتا، اگر وہی جانور ذبح کیا تو سارا گوشت صدقہ کرنا لازم ہے اور ذبح کی وجہ سے قیمت میں جو کمی آئی اس کو صدقہ کرنا بھی لازم ہے ۔ ( عالمگیری ، الباب السادس فی بیان ما یستحب فی الاضحیۃ :5/ 302 )