بڑے جانور میں چند حصے ولیمہ کی نیت سے شامل کرنا
سوال :۔ ایک بڑا جانور قربانی کا لینے کا ارادہ ہے اس میں دو حصہ ہمارے قربانی کے ہوں گے اور دو میرے چاچا کے باقی تین حصہ چاچا ولیمہ کی نیت سے لینا چاہتے ہیں میرے چچا زاد بھائی کی شادی ہے اس کے ولیمہ کی دعوت میں رشتہ داروں کو کھلانے کاارادہ ہے کیا اس طرح کرنے سے قربانی پر کوئی اثر تو نہیں پڑے گا؟ ( ارشد اسلام )
جواب :۔ اگر سنت ولیمہ کرنے کے لیے قربانی میں حصہ لیں تو سب کی قربانی جائز ہے کسی کی باطل نہیں ہوگی ۔( بدائع الصنائع ، فصل فی شرائط اقامۃ الواجب : 5/72 ۔ الہندیۃ 5/ 304 ۔ البحر الرائق : 177)