جانور کے اعضا ء زائد ہویا خریدنے کے بعد اس میں عیب پیداہوجائے
سوال:۔
1- کسی جانور کے اعضاء زائد ہوں تو قربانی کیا حکم ہے ؟
2- ایک شخص جانور خریدکرگھر لایا مگر پکے فرش پر گرنے سے اس کی ٹانگ ٹوٹ گئی ،اب دوسراجانور خریدنے کی استطاعت بھی نہیں تو کیا کیا جائے ۔
جواب :-
1- کسی جانور کے اعضاء زائد ہوں مثلاً چار کے بجائے پانچ ٹانگیں یا چار کے بجائے آٹھ تھن توچونکہ یہ عیب ہے لہٰذا ایسے جانور کی قربانی جائز نہیں۔(المحیط البرہانی ٨/١٧،ط:ادار ة القرآن)
2- اگر مذکورہ شخص غریب ہے تو وہی عیب دار جانور ذبح کر کے قربانی کرے۔ (بدائع ٥/٧٦،ط:رشیدیہ )