میاں بیوی میں جدائی کے بعد بچہ کی پرورش کاحق
سوال:۔ میاں بیوی میں خلع یا طلاق کے ذریعہ آپس میں علیحدگی ہوجائے تو اس صورت میں ان کا بچہ یا بچی جو ایک سال یا دو سال کا ہے، وہ کس کے پاس جائے گا؟ اس بارے میں شریعت کا کیا حکم ہے ۔(ارمان ،شہداد پور)
جواب :- میاں بیوی کے درمیان اگر طلاق یا خلع کے ذریعے علیحدگی ہوجائے تو لڑکا سات سال تک اور لڑکی نو سال تک ماں کے زیر پرورش رہے گی، اس عرصہ میں بچوں کا اخراجات کی ادائیگی والد کےذمہ ہوگی ۔ اگرماں کسی ایسے شخص سے نکاح کرے جو بچے کا قریبی رشتہ دار نہ ہو تو ماں سے یہ حق پرورش دوسری قریب ترین عورت کو منتقل ہوجائےگا۔ پرورش کی مدت ختم ہونے کے بعد بچہ یا بچی باپ کی کفالت میں آجائےگا(شامی 3/567 ، فتاوی عالمگیری 1/542)