سوگ کے متعلق چند سوالات
سوال :-میت کے گھر میں سوگ کے حوالے سے کچھ باتیں معلوم کرنی ہیں ۔
1- دوران سوگ اگر گھر میں کھانا بنانے یا کسی دوسری ضرورت کے لیے چولہا جلانا پڑجائے تو جائز ہے یا نہیں ؟
2- دور سے آنے والے مہمان میت کے گھر کھانا کھاسکتے ہیں؟
3- دوسرے لوگوں کو جو ان کے گھر کھانا بھیجنا چاہئے اس میں میعاد کتنے دن ہے ؟
4- نیز یہ بتائیں کہ سوگ کی اصل مدت کتنے دن ہے ؟
جواب :- 1 – جائز ہے ،اس میں کوئی گناہ کی بات نہیں ہے ۔
2-جو لوگ دور سے آئے ہوں وہ میت کے گھر کھانا کھا سکتے ہیں ۔
3-مستحب یہ ہے کہ ہمسائے یا قریبی عزیز اہل میت کے لیے ایک دن کے کھانے کا بندوبست کریں ۔
4۔بیوہ عدت تک سوگ کرے گی جب کہ باقی لوگ صرف تین دن سوگ کرسکتے ہیں۔(سنن الترمذی 1/143، الفتاویٰ الہندیہ 1/167، ردالمحتار علی الدر المختار 2/ 240)