مسبوق امام کے پیچھے کیا نیت کرے
سوال:۔ایک شخص باجماعت نماز کی دوسری یا تیسری یا چوتھی رکعت میں شامل ہوتا ہے تو نیت اس کی وہی ہوگی کہ میں امام کے پیچھے چار فرض کی نیت کرتا ہوں۔اگر وہ چوتھی رکعت میں شامل ہوا ہے تو امام کے پیچھے ایک ہی رکعت ہوگی باقی تین رکعت تنہا پڑھے گا جو کہ نیت کے مطابق امام کے پیچھے نہیں پڑھی گئی یا وہ یہ نیت کرکے کہ میں ایک رکعت امام کے پیچھے پڑھتا ہوں اور باقی تین رکعت تنہا پڑھتا ہوں،کیا یہ نیت کے مطابق نماز ہوگی؟(نثار احمد انصاری)
جواب:۔جس شخص کی کچھ رکعتیں رہ گئی ہوں وہ مسبوق کہلاتا ہے۔مسبوق بھی امام کی اقتداء کی نیت کرتا ہے،اس لیے امام کی اقتدا کی نیت کرکے نماز شروع کردیں ،رکعتوں کی تعیین کی ضرورت نہیں۔